Y Bwrdd Adar Rhithwir : Rhannu Natur
|
Pan osododd John Walters ei fwrdd adar, nid oedd yn sylweddoli faint o lawenydd fyddai'n ei roi i eraill, dim ond drwy rannu fideo. John roddodd y syniad i ni ddechrau'r Bwrdd Adar Rhithwir yn Sound Memories Radio, gan eich galluogi i rannu adar eich gardd â phobl hŷn mewn Cartrefi Gofal. I gael gwybod sut, darllenwch y canlynol ...
|
John Walters
|
Cychwyn Arni ...
|
Mae mor hawdd ymuno. Defnyddiwch eich ffôn symudol i wneud fideo neu dynnu llun o weithgarwch eich bwrdd adar. Trowch eich camera ar ei ochr fel bo'ch fideo neu lun ar ffurf landscape, fel un John. Yna anfonwch y fideo neu'r llun aton ni ar ein tudalen Facebook Friends of Sound Memories a byddwn yn ei rannu yma. Pan fydd eich holl fideos hyfryd gyda ni, fe wnawn ni anfon y ddolen ymlaen i Gydlynwyr Gweithgareddau mewn Cartrefi Gofal, fel y gall pobl hŷn fwynhau eich adar gymaint â chi.
|
|
PECYN HADAU ADAR AM DDIM
Ac os nad oes gyda chi fwrdd adar, gallwch ddechrau drwy adael hadau mas i'ch adar. Byddwn ni hyd yn oed yn anfon Pecyn o Hadau Calonnau Blodau'r Haul atoch chi AM DDIM i ddenu'r titw tomos las a chymysgedd o hadau protein ar gyfer adar eraill. Mewn dim o dro byddwch chi'n bwydo'ch adar, gan ddod â'u llawenydd i'ch gardd a rhannu'r llawenydd hwnnw ag eraill.
Hoffai Sound Memories ddweud diolch i gyllidwyr y Bwrdd Adar Rhithwir:
FUSION, FRG Records, 50+ Forum & Cheryl Beer
|
|
|
|