Mae Atgofion Sain (Sound Memories), Gorsaf Radio Dementia-Gyfeillgar yn brosiect mapio sain, stori bywyd a sain amgylcheddol. Gweithiwn yn agos gyda phobl hŷn a'u cymunedau, i greu adnoddau cof, gyda’r cleientiaid yn ganolog wrth greu’r adnoddau er mwyn dathlu bywyd ac ysbrydoli ac ysgogi ymdeimlad hunaniaeth. Mae pobl hŷn wedi dweud y byddent yn teimlo mwy o rym pe byddent yn dal i allu helpu ei gilydd (Blood: 2013). Yn Sound Memories, rydym yn galluogi pobl hŷn i helpu ei gilydd trwy weithio gyda nhw yn gyntaf i greu adnoddau sain a stori iddyn nhw eu hunain ac yna trwy rannu eu hadnoddau yma, i helpu eraill.
Yn ystod y chwe blynedd ddiwethaf, rydym wedi datblygu’n brosiect sydd wedi ennill sawl gwobr, wedi'i siapio gan ein corff cynyddol o wrandawyr, y bobl hŷn sy'n gwirfoddoli eu straeon yn garedig, trwy weithio mewn partneriaeth a chefnogaeth barhaus ein tudalen grŵp Cyfeillion Atgofion Sain.
Dyma rai enghreifftiau o'r adnoddau cof rydyn ni wedi'u creu gyda phobl hŷn. Pan fyddwn yn gwneud Map Sain Amgylcheddol, rydym yn olrhain y stori gaiff ei dwyn i gof gan y person hŷn, ei deulu a / neu ofalwyr, gan greu tirlun sain unigol ar eu cyfer, fel eu bod yn datblygu ymdeimlad o hunaniaeth trwy le, wedyn rydym yn rhannu'r tirlun sain yma, fel rhan o'n map cyffredinol. Mae gwybod o'r cychwyn cyntaf ein bod yn gwneud adnoddau i'w rhannu ar orsaf radio Sound Memories yn rhoi ymdeimlad o bwrpas ac yn cynyddu hunan-barch. Mae galluogi pobl i rannu, rhoi ac i feddwl am eraill, yn ein grymuso i weithredu’n garedig, a thrwy hynny deimlo caredigrwydd.
Dyna pam rydyn ni hefyd wrth ein bodd yn gwneud adnoddau stori bywyd gyda phobl hŷn. Mae eu gweld yn tyfu wrth iddyn nhw gofio rhannau o'u stori, yn hudolus. Dechreuwn trwy dreulio amser ystyrlon gydag unigolyn, dod i’w adnabod yn iawn, meithrin ymddiriedaeth a gwrando arnynt, gwrando go iawn. Weithiau bydd y person yn rhannu ei stori yn syml, ac weithiau ei ddiddordebau neu ei hobïau. Rydym yn ysgrifennu a chyhoeddi straeon a llyfrau digidol yn ogystal ag adnoddau eraill wedi'u teilwra'n benodol i anghenion unigolyn, fel gyda'n prosiect To be in the Now. Wrth wraidd ein gwaith mae’r model Grymuso, lle mae pobl hŷn yn cydweithredu a
We work with the younger generation to share life stories, build bridges, make friends & deconstruct stereotypes that might be held about old age & dementia.